Ga naar hoofdinhoud
Ga naar EHBJ home
Illustratie buren bij een hek

Tou eem tammo

Woar dast ook woonst of waarkst, overal binnen risico’s en is er kaans op n noodsituoatsie. Ook in Grunnen. Maisttied gain punt, mor as gevolgen heul slim binnen zo as bie n zwoare eerdbeven, n overstromen, n grode braand, schier slim weer of stroomoetval, den spreken wie van n ramp.

Bie n ramp binnen der meugelk slachtoffers, is er grode schoade aan gebaauwen en omgeving en het t veul gevolgen veur minsk en daaier. Den waarken alle hulpdainsten mit mekander soamen in een crisisorganisoatsie om gevolgen aan te pakken, lu te helpen en om boudel zo vlug as ‘t kin weer kloar te moaken.

Maisttied gebeurt n ramp rompslomps en staaitst er d’eerste tied allint veur. Hulpdainsten kinnen der nait altied votdaoadelk wezen en den is het goud om veurtied te waiten wast doun most.

Doarom is er EHBJ, wat op zien Hollands staait veur Eerste Hulp ben Jij. #EHBJ informeert die over risico’s in dien omgeving, over houst die veurberieden kinst op n noodsituoatsie en wast doun kinst bie n ramp. 

Mit informoatsie op dizze webstee kinst die veurberaaiden, zo dast waaist wast doun most as t eerns is. Ja wis, Eerste Hulp Bist Doe!

Meschain bist wel de maist iemege persoon in dörp of buurt en wilst votdoadelk in actie komen. Den most geliek even op onderstoande knop klikken veur meer informoatsie over houst helpen kinst.

Bekiek veurberaaidens (NL)